Жаңалық 30 тамыз 2026
Бабаян: Алаңның сапасы нашар болды, комбинациялық футбол ойнау қиынға соқты
Фото: img.chelseafc.com
Қазақстан премьер-лигасының 24-турында «Астанаға» «Атырауды» жеңуге көмектескен бапкер Григорий Бабаян жеңістен кейін алаң жағдайына тоқталды.
Кездесу 32 градус ыстықта, кешкі сағат 20:00-де басталды. «Астана» қарсыласын 3:2 есебімен жеңді.
«Алаңның мұнша нашар болатынын күтпедік. Бізге де, «Атырауға» да комбинациялық футбол ойнау қиынға соқты», — деді Бабаян.
Тағы оқыңыз
Бабаян «Астанадағы» қаржылық мәселе жайлы: «Ертең бәрі шешіледі»
Бапкердің айтуынша, жеңіс оңайлықпен келген жоқ. «Күрделі, қажыр-қайратпен келген еңбек жеңісі», — деді ол. Ол командасының күш-жігеріне алғыс білдірді: «Маңызды үш ұпай, кеудесіндегі ромбик үшін күресіп, алаңда бар күшін салған командамызға құрмет».
«Астана» 68-минутқа дейін төрт ауыстыру жасады. Осы жеңістен кейін команда 22 матчтан соң турнир кестесінде үшінші орында тұр.
Тағы оқыңыз
Дереккөздер: www.sports.kz