Жаңалық 11 қыркүйек 2026
ҚПЛ-ның 26-турында жеті футболшы алаңға шықпайды
Қазақстан премьер-лигасының 26-турына жеті ойыншы дисквалификация салдарынан қатыса алмайды. Ең көп шығынды «Ақтөбе» мен «Оқжетпес» шекті — әр клубтан екі футболшы ойыннан тыс қалады.
«Ақтөбе» құрамындағы Луиш Нани «Жеңіске» қарсы кездесуде сегізінші сары карточкасын, ал қақпашы Александр Заруцкий төртінші сары карточкасын алды. Екеуі де 26-турдағы матчта ойнамайды.
«Оқжетпес» те екі ойыншысынан айырылады: «Ордабасыға» қарсы кездесуде Леонардо Де Ассунсау мен Марсио Веласко төртінші сары карточкаларын алды.
«Жетісудың» ойыншысы Серікжан Мужиков «Ертіске» қарсы матчта тікелей қызыл карточка алып, алаңнан шығарылды. Ол келесі турды сырттан тамашалайды.
Сондай-ақ «Алтайдың» футболшысы Досжан Кенжеғұлов «Қайсарға» қарсы, ал «Тобылдың» ойыншысы Александр Зуев «Ұлытауға» қарсы кездесуде төртінші сары карточкаларын алып, дисквалификацияға ілікті.
Тағы оқыңыз
Дереккөздер: amanvibe.kz