Дадаев: «Ақтөбеге» ауысу мүмкіндігі 70 пайызға жуық еді

Футболшының айтуынша, соңғы сәтте бәрі өзгерген. «Соңғы сәтте бәрі өзгерді. Сапардағы матчтан кейін басшылықпен сөйлестім, екеуміз де «Алтайда» қалғаным дұрыс деген ойға келдік. Бұл — ортақ шешім. Ал «Ақтөбеге» бару мүмкіндігі үлкен еді — шамамен 70 пайыз», — деді Дадаев.

Белгілі болғандай, «Ақтөбе» «Алтайдың» ойыншысы Сейф Поповқа да қызығушылық танытқан.

24 жастағы шеткі шабуылшы бұрын «Қайрат» құрамында да ойнаған. Ағымдағы маусымда ол Қазақстан премьер-лигасының 23 матчында 4 гол соғып, 1 нәтижелі пас берді.

Дадаев сондай-ақ кубоктің ширек финалындағы жеңісті еске алды — «Алтай» бес дүркін чемпионмен негізгі уақытта 1:1 есебімен тең ойнап, 11 метрлік соққылар сериясында 4:3 есебімен жеңген. Сол кездесуде Дадаев айып добын дәл орындады.

«Шынымды айтсам, бұл — сөзбен жеткізе алмайтын эмоция. Мұндай атмосферада «Қобыландыда» ойнауды сипаттау мүмкін емес. Допқа жақындағанда сәл толқыдым, бірақ оны нүктеге қойған соң, киноға түсіп жүргендей күй кештім. Миым өшіп қалғандай болды. Одан кейін бәрі — шеберлікке байланысты», — деді ойыншы.

24 турдан кейін «Алтай» турнир кестесінде 13-орында тұр.