Самородов «Ахмат» құрамында бастады, бірақ Грозныйда тең ойын аяқталды

Самородов нәтижелі әрекетке бармай, тайм аралығында ауыстырылды. «Ахматтың» тағы бір қазақстандық легионері Ғалымжан Кенжебек бүкіл матчты қосалқылар орындығында өткізді.

Матч қарқынды өтті. Алдымен «Крылья Советов» ойыншысы Иван Олейников 15-минутта есеп ашты. Кездесудің бірінші жартысында «Ахмат» бетбұрыс жасады: 36-минутта Лечи Садулаев, 38-минутта Эгаш Касинтура нәтижелі соққы жасап, есепті 2:1-ге бұрды. Бірақ бірінші тайм аяқталар алдында, қосымша уақытта (45+1) Никита Чернов қонақтар үшін теңестірді.

Екінші таймда 60-минутта Георгий Мелкадзе «Ахматты» алдыға шығарды, дегенмен 72-минутта Олейников екінші голын соғып, түпкілікті есепті — 3:3 — белгіледі.

«Крылья Советов» құрамында 76-минутта Ислам Чесноков жарақат алып, ауысуға мәжбүр болды.

Матчтан кейін екі команданың да 6 ұпайы бар. Келесі турда «Ахмат» «Рубинмен», ал «Крылья Советов» «Краснодармен» кездеседі.