Трансфер 25 тамыз 2026
Агент: Самородовтың құны бір жылда бес есе өсуі таңғаларлық
Фото: e0.365dm.com
«Ахматтың» қазақстандық шеткі шабуылшысы Максим Самородовтың мәскеулік «Спартакқа» ауысуы мүмкін деген қауесетті футбол агенті Тимур Гурцкая түсіндірді.
«Это футбол, брат!» YouTube-арнасында сөйлеген Гурцкаяның айтуынша, «Спартак» 24 жастағы шеткі шабуылшыны 8 миллион еуроға сатып алуды қарастыруда.
«Сондай қауесет тарады: Самородов осы аптада «Спартакқа» ауысуы мүмкін көрінеді. Қанша? Сегіз миллион еуроға. Мен түсінгендей, Самородовты бір жыл бұрын бір-бір жарым миллион еуроға сатып алған. Он орында тұрған командада адамның бағасы бес есе өсуі мүмкін екеніне мен сенбеймін», — деді Гурцкая.
Тағы оқыңыз
Самародовтың жарақаты: Черчесов жағдайды түсіндірді
Самородов ағымдағы маусымда «Ахмат» құрамында 5 матч өткізіп, бір гол соқты. Трансфер туралы ресми хабарлама жоқ.
Тағы оқыңыз
Дереккөздер: t.me