Сәтпаев туралы Журавлев: «Бернлиге» жалдау — тамаша нұсқа

Журавлевтің пікірінше, бұл ауысу футболшы үшін дұрыс таңдау болған. «Бернлиге» жалдау — тамаша нұсқа. Дастанның алғашқы матчынан-ақ оның әлеуеті жоғары екені көрінді. Бірақ Ресей немесе Қазақстан чемпионатынан келген кез келген ойыншы мүлдем басқа жылдамдыққа тап болады. Ең алдымен бұл доптың қозғалыс жылдамдығы мен шешім қабылдау жылдамдығына қатысты», — деді ол.

Сарапшының айтуынша, «Бернли» таңдауы «Страсбургпен» салыстырғанда әлдеқайда тиімді. «Оны «Страсбургке» емес, дәл «Бернлиге» жалдауға беруі — өте жақсы болды. Бұл да Англия, мұндағы футбол стилі Францияға қарағанда оған жақынырақ. Оның үстіне елге, климатқа және тілге бейімделу Бернлиде оңайырақ болады. «Челсидегі» болашақ мансабы тұрғысынан бұл тамаша қадам», — деп атап өтті Журавлев.

Сәтпаев «Челсиден» «Бернлиге» 2026/27 маусымының соңына дейін, сатып алу құқығынсыз жалдау шартымен ауысты. Журавлевтің мәліметінше, ол «Бернли» құрамында бірінші матчын өткізіп үлгерді.