Ван Дейк: «Комоны» жеңгеннен кейін жақсару байқалды
Жакенің осы кездесуде соққан голы «Ливерпульдің» екінші добы болды. Ол ақпан айында «Реннге» қарсы ойында иығын жарақаттаған, сол жарақаттан кейін тұңғыш рет 45 минут ойнады. «Барселонадан» бір маусымға жалға келген Араухо да 45 минут алаңда болды.
Бұл жеңіс — команда үшін дайындық кезеңінде «Лидс Юнайтед» пен «Монакодан» қатарынан жеңіліп қалғаннан кейінгі маңызды нәтиже. Атап айтқанда, «Монакомен» кездесуде «Ливерпуль» 2:0 есебімен басым бола тұрып, жеңісін ұстап қала алмады.
«Жаке де, Роналд да жақсы ойнады деп ойлаймын. Бұл — жақсы бастама, енді ол осылай жалғастыра беруі керек», — деді Виргил ван Дейк.
Оның айтуынша, Жакенің ағылшын тілі Арауходан сәл жақсы, бірақ бұл маңызды емес — «бәрі түптеп келгенде жақсы футболшылар». Ван Дейк ойыншылар арасында байланыс қалыптасуы үшін уақыт қажет екенін де атап өтті.
«Әлемде 90 минут бойы толық қарқынмен ойнай алатын команда жоқ. Бірақ алдыңғы екі матчта 2:0 есебімен алда бола тұрып, жеңісті қолдан шығарып алдық — бұл қайталанбауы керек», — деді ол.
«Ливерпульдің» келесі кездесуі — Премьер-лига чемпионатының ашылу матчы, «Нью-Каслға» қарсы, Сент-Джеймс Парк стадионында өтеді.
