Алибеков: Әмірге Испания, Швейцария және АҚШ клубтарынан ұсыныс түсті

«Әмір, мүмкін, Ла Лигаға көшер. Оның үстіне бізге ұсыныстар түсіп жатыр. Рас, бәрі бірдей сол деңгейде емес...», — деді Алибеков.

Оның сөзінше, «Ордабасыға» Испаниядан, швейцариялық «Базельден», АҚШ-тың МЛС лигасындағы бір клубтан және бельгиялық клубтан ұсыныс келген. «Шынымды айтсам, қай клуб екенін білмеймін, бірақ Испаниядан ұсыныс бар. Бізге «Базельден» ұсыныс түсті, МЛС-тен де, бельгиялық клубтан да ұсыныс бар. Ал агент испан клубынан ұсыныс бар екенін айтты. Біз сөйлесе бастадық, бірақ бұл әзірге сөз ғана», — деді ол.

19 жастағы Әмір «Ордабасы» сапында ересектер деңгейінде 2025 жылдың наурызында дебют жасаған. Қазақстан құрамасында тұңғыш рет 2026 жылғы 9 маусымда Венгрияға қарсы жолдастық кездесуде (1:3) ойнап, сол матчта нәтижелі пас берді.

Ағымдағы маусымда Әмір 7 гол соғып, 3 голға пас берді. КПЛ-2025 дебютті маусымында 13 матчта 1 нәтижелі пас берген болатын.