Әлібеков: Боранбаев жанкүйерлерімізге ту алып кіруге рұқсат берді

«Кез келген матчқа баратын әкімді немесе клуб иесін білесіздер ме? Біз тек өзіміз ғана бармаймыз, команданы да алып жүреміз — «балалар, біз жетім емеспіз, өз клубымыздың артында тұрмыз» дегенді көрсету үшін», — деді Әлібеков.

Оның сөзінше, бұған дейін «Қайрат» тарапынан ту алып кіруге рұқсат берілмей келген. «Біраз әуре болдық, соңында Қайрат Советаевич «алып кірсін» деп рұқсат берді», — деп атап өтті ол.

21 турдан кейін «Ордабасы» 49 ұпаймен турнир кестесінде көш бастап тұр: 15 жеңіс, 4 тең ойын, 2 жеңіліс, айырма 40:15. Соңғы турда команда қонақта «Жетісуды» 4:0 есебімен ойсырата жеңді. «Ордабасы» «Қайраттан» 4 ұпайға озып тұр. Клубтың бас бапкері — Андрей Мартин.