«Левски» бапкері: «Қайратпен» матч біз үшін өте ауыр болады

Бұған дейін Софияда өткен алғашқы кездесуде «Қайрат» «Левскиден» 0:1 есебімен ұтылған болатын. Ал соңғы турда болгар клубы Пловдив «Локомотивін» 2:0 есебімен жеңіп, жақсы көңіл-күймен жауап матчқа дайындалып жатыр.

«Бізді ауыр матч күтіп тұр, мұны жақсы түсінеміз. Чемпиондар лигасының топтық кезеңіне шыққан командамен ойнаймыз, сондықтан алдағы кездесу өте күрделі болады», — деді Веласкес.

Бапкер «Локомотивпен» өткен матч туралы да пікір білдірді: «Күшті қарсыласпен кездестік. Бірінші таймда жақсы нәрселер көрсеттік — доп ұзақ уақыт бізде болды, ойынды жақсы бақыладық. Екінші тайм тең өтті. Мұндай ойындарда екінші голды соқпайынша тыныш болу мүмкін емес. Балалар өте жақсы жұмыс атқарды, бірақ жеңіс оңай тиген жоқ».

Сонымен қатар Веласкес командасының қарапайымдылығын жоғалтпайтынын айтты: «Біз супергерой емеспіз. Командамызда әр ойыншы бар күшін салады, әрдайым қарапайым болуды ұстанамыз — бұл негізгі принцип».

Еске салайық, «Қайрат» Чемпиондар лигасының топтық кезеңіне жолдама алды.