Ван 'т Схиптің 5 өзгерісі көмектеспеді: Словакия Қазақстанды 2:1 жеңді
Кездесудің алғашқы минуттарынан-ақ қарқын қызу болды. 3-минутта Лукаш Гараслин 25 метрден соққан допты қақпашы Станислав Покатилов құтқарып қалды. Алайда 26-минутта словактар есеп ашты: Ян Валенттің сол қанаттан берген пасынан кейін доп Покатиловтан қайтып, Лео Зауэр торды дәл тапты.
Қазақстан құрамасы жауап бере білді — 35-минутта Раман Кәрімов есепті теңестірді. Екінші таймда Милан Шкриньярдың 50-минуттағы соққысын Покатилов тағы да қағып тастады. Бірақ 82-минутта Дэвид Ганчко Словакияға жеңіс сыйлаған голды соқты — 2:1.
Бапкер Джон ван 'т Схип бұл матчқа өткен кездесумен салыстырғанда бастапқы құрамға бес өзгеріс енгізіп, 4-5-1 схемасын қолданды. Бастапқы құрамда Қазымиров, Бекболат, Жагоров, Басманов және Әшірбек алаңға шықты, ал екінші таймда Бекболаттың орнына Александр Мрынский ойынға қосылды.
Бұл жеңілістен кейін Қазақстан құрамасы Ұлттар лигасының екі туры өткен соң небәрі 1 ұпаймен топта үшінші орында тұр. Келесі кездесулерде Қазақстан 2 қазанда Молдованы, 6 қазанда Фарер аралдарын өз алаңында қабылдайды.
