«Қайрат» Чемпиондар лигасының 1/8 финалына мерзімінен бұрын жолдама алды

А жолының 2-тобында бастапқыда «Қайрат», «Андерлехт», «Юнайтед Галаци» және «Бейтар» ойнауы тиіс еді. Алайда румын клубы төлем қабілетсіз деп танылып, жарысқа қатысуын тоқтатты. Осыдан кейін топта үш команда — «Қайрат», «Андерлехт» және «Бейтар» — қалды, олардың барлығы 1/8 финалға автоматты түрде жолдама алды.

«Қайраттың» «Юнайтед Галацимен» 29 қазанға жоспарланған кездесуі енді өтпейді. Оның орнына команда 28 қазанда жергілікті уақытпен 20:30-да «Бейтармен», 31 қазанда сол уақытта «Андерлехтпен» ойнайды. Екі матч та Бельгияның Роосдал қаласындағы «Альфасун Индор» аренасында өтеді. Қазақстан уақыты бойынша бұл кездесулер 29 қазанға және 1 қарашаға қараған түні сағат 00:30-да басталады.