Қызайбаев: «Зайнутдиновқа қызығушылығымыз бар, бірақ нақты келіссөз жүргізіп жатқан жоқпыз»
«Зайнутдиновқа шынымен де қызығушылық танытамыз. Ол — қазақстандық футболшы әрі ұлттық құрамамыздың ойыншысы. Бірақ қазіргі таңда ол бойынша нақты келіссөз жүргізіп жатқан жоқпыз», — деді Қызайбаев.
28 жастағы қорғаушы мәскеулік «Динамо» құрамында 2025 жылдан бері ойнайды, бұған дейін «Бешикташта» өнер көрсеткен. 2025 жылғы 19 қазанда алған сан бұлшықетінің жарақаты созылмалы сипат алды.
«Оның медициналық тарихын және қазір «Динамода» іс жүзінде ойын уақыты жоқ екенін ескереміз. Кандидатурасын маусым аяқталуға жақындаған кезде нақтырақ қарастырамыз», — деп түсіндірді клуб басшысы.
Қызайбаевтың сөзінше, «Ордабасы» бұл мәселені желтоқсан-қаңтар айларында қарастыруды жоспарлап отыр. «Бұл — күшті футболшы, оған қызығушылық шынымен де бар. Бірақ қазір ойыншының өзімен де, «Динамомен» де, оның өкілдерімен де егжей-тегжейлі келіссөз жүргізіп жатқан жоқпыз», — деп нақтылады ол.
Еске сала кетейік, «Ордабасы» қазір Қазақстан премьер-лигасының турнир кестесінде 26 матчта жинаған 61 ұпаймен көш бастап тұр.
