Родри: «Мадридке жоқ деу оңай болған жоқ»

Ойыншыны «Реал Мадрид» де қалаған еді. Дегенмен 2024 жылғы «Алтын доп» иегері түпкілікті «Барселонаны» таңдады.

«Бұл — бір сәттік шешім емес, процесс болды. Алдымен сол жердегі уақытыңның аяқталғанын және жаңа сын-қатерге ұмтылып жүргеніңді түсінуің керек», — деді Родри.

Оның сөзінше, «Барселонадан» ұсыныс түскен сәтте бұл өзі үшін ең дұрыс қадам екенін сезінген. «Мен әрқашан спорттық тұрғыдан қай жерде жеңе алатынымды, бақытты болатынымды және ойыншы ретінде дами алатынымды негізге аламын», — деп атап өтті ол.

«Мадридке жоқ деу мүлде оңай болған жоқ, әсіресе олар маған керемет қарым-қатынас көрсеткен соң», — деді Родри әлемдегі ең үздік екі клубтың арасында таңдау жасаудың қиын болғанын мойындап.

Шешуші рөлді «Барселона» басшылығындағы Деко мен бас бапкер Ханси Флик атқарды. «Түптеп келгенде, клуб басшылығындағы Деко мен Ханси мені сендірді. Олар маған ешқандай қысым көрсеткен жоқ, керісінше, командаға қосылуымды, бірге жұмыс істеуімді қалайтынын білдірді», — деп түсіндірді ойыншы.

Еске сала кетейік, «Реал Мадрид» 2024 жылғы «Алтын доп» салтанатты рәсіміне бойкот жариялаған болатын.