Морсильо: «Мадрид алаңымызға келгенде бұл әрқашан ерекше сәт»
«Атлетико Мадридтен» ауысқан жартылай қорғаушы алдағы матчты асыға күтетінін жасырмады.
«Осы кездесуді шынымен де асыға күтіп отырмыз. Мадрид секілді команда біздің алаңға келгенде, бұл әрқашан ерекше сәт», — деді Морсильо.
Оның айтуынша, команда дұрыс бағытта келеді. «Біз бірте-бірте дұрыс нәрсе жасап жатқанымызды көріп отырмыз», — деді ол. Сондай-ақ ол жанкүйерлерге ерекше алғыс білдірді: «Олар — керемет, біз бәріміз біргеміз, олар — біздің тірегіміз».
«Эльче» биылғы Ла-Лигада алғашқы бес турда небәрі 2 ұпай жинап, 13 гол жіберіп үлгерді. Соңғы кездесуде «Атлетик Бильбаомен» тең түсіп, маусымдағы екінші ұпайын еншілеген еді.
Ал Жозе Моуринью бапкерлік ететін «Реал Мадрид» алғашқы бес матчта 12 ұпай жинап, «Барселонадан» небәрі 3 ұпай артта келеді. Мадрид клубы сәрсенбіде «Расингпен» кездеседі, содан соң «Эльчеге» қонаққа барады.
