Жаңалық 12 қыркүйек 2026
«Барселона» Жерар Мартинмен келісімшартты жаңартпақ
Фото: U.S. District Court for the Southern District of New York. 1814 / Wikimedia Commons (Public domain)
Испанияның «Барселона» клубы 24 жастағы қорғаушы Жерар Мартинмен жаңа келісімшартқа отыруды жоспарлап отыр — жалақысын арттырып, өтелім сомасын да көбейтпек.
Мартиннің қазіргі келісімшарты 2028 жылға дейін жарамды, өтелім сомасы 100 миллион еуроны құрайды. Клуб басшылығы бұл соманы ұлғайтып, келісімшарт мерзімін 2028 жылдан әрі созғысы келеді.
Амплуасы бойынша сол жақ қорғаушы болғанымен, Ханс-Дитер Флик оны орталық қорғаушы позициясында пайдаланып келеді. «Барселона» академиясының түлегі қазір Пау Кубарсимен жұп құрап ойнайды.
Тағы оқыңыз
Мартин: Финалға шығу — «Ордабасы» үшін үлкен мәртебе
Бұл маусымда команда бес матч өткізіп, соның үшеуінде Мартин алаңға шықты әрі әр кездесуде толық 90 минут ойнады. Роналд Араухо жазда «Ливерпульге» жалдау шартымен кеткеннен кейін орталық қорғауда оның басты бәсекелесі — Андреас Кристенсен.
Еске сала кетейік, «Барселона» академиясының тағы бір түлегі Хамза Абделкарим клубпен келісімшартын жуырда ұзартқан болатын.
Тағы оқыңыз
Дереккөздер: sports.yahoo.com