Мартин: Финалға шығу — «Ордабасы» үшін үлкен мәртебе
«Ордабасы» жартылай финалдың бірінші кездесуінде өз алаңында 3:1 есебімен жеңіп алған еді. Қайтарма матчта қонақта 2:1 есебімен үстем түскен шымкенттіктер жалпы қорытынды бойынша 5:2 есебімен финалға шықты.
«Ең алдымен, бүкіл командамды, клубты, Шымкент қаласын құттықтағым келеді. Клуб үшін Қазақстан кубогының финалына қатысу өте маңызды. Екінші жыл қатарынан финалға шығу біз үшін үлкен мәртебе», — деді Мартин.
Бапкердің айтуынша, есепті сақтап қалуға тырысып ойнау дұрыс стратегия емес. «Есеппен ойнап, артықшылықты ұстап қалу — қате стратегия. Әдетте мұндай әрекет жазасыз қалмайды», — деді ол.
Мартин жалпы алғанда командасының ойынына риза екенін жасырмады. «Балалардың өздерін қалай көрсеткеніне қатты ризамын. Ең бастысы — бізге керек нәтижеге жеттік», — деді бапкер.
Финалда «Ордабасының» қарсыласы «Қайсар» болады. Қостанай клубы жартылай финалда «Жеңіске» жалпы есеппен 5:4 басым түсіп, финалдық жолдама алған еді.
