«Барселона» «Твентеден» 18 жасар қорғаушыны ала алмай қалды
Роналд Арауйо мен Альваро Кортес кеткеннен кейін «Барселона» басшылығы орталық қорғаушы ретінде Нейстадты нысанаға алған. Испан клубы жазғы трансфер терезесінің соңғы күніне дейін ойыншыны сатып алуға тырысқан, тараптар арасында ауызша келісім де болған.
Алайда «Твентенің» бас бапкері Джон ван ден Бром мен спорттық директоры Эрик тен Хаг жасөспірімді сатудан бас тартты. Осыдан кейін сол аяқты қорғаушы клубпен жаңа келісімшарт жасады.
«Барселонаның» бас бапкері Ханси Флик пен спорттық директоры Деко Нейстадты өздері іздеген идеал профиль деп есептеген. Дегенмен испан клубы 2025 жылдың қаңтарында жаңа орталық қорғаушы алуды басты мақсат етіп қойған жоқ. «Барселона» ойыншының «Твентедегі» дамуын бақылап отыруды жоспарлап отыр.
«Барселона сияқты клуб сені қаласа, бұл — керемет. Ол — әлемдегі ең үлкен клуб. Сондықтан бір жағынан бұл сені қызықтырады», — деді Нейстад.
«Олар мені жіберуге қарсы болды. Әрине, мен оларды түсінемін. Келісімшартты өз еркіммен ұзарттым, себебі мен мұнда әлі де дамуымды жалғастыра аламын. Сол үшін жұмыс істеуім керек», — деп қосты ол.
