Жаңалық 10 қыркүйек 2026
Деку: Рашфордтың орнына Гордонға 70 миллион еуро жұмсадық
Фото: espn.com
«Барселонаның» спорт директоры Деку RAC1 радиосына сұхбат беріп, клубтың Маркус Рашфордты тұрақты негізде қалдырмай, оның орнына «Ньюкасл Юнайтедтен» Энтони Гордонды сатып алу шешімін түсіндірді.
«Барселонаның» Рашфордты 30 миллион еуроға тұрақты трансфермен алу опциясы болғанымен, клуб оны пайдаланбады. Оның орнына 25 жастағы шеткі шабуылшы Гордон үшін 70 миллион еуро төленді.
«Рашфордқа алғысымыз шексіз, өткен маусымда көп үлес қосты. Бірақ біздің ойын идеямыз Энтониге көбірек сәйкес келеді. Оның стилі бапкер Ханс Фликтің іздегеніне сай», — деді Деку.
Тағы оқыңыз
Деко: «Барселона» соңғы сәтте орталық қорғаушы да, шабуылшы да алмайды
Оның сөзінше, өткен маусымда Рафинья ойнамаған кездерде команданың қарқыны төмендеп кеткен, сондықтан жаңа шеткі шабуылшы іздеу қажет болған.
Сұхбатта Деку Ламин Ямалды «Алтын доп» сыйлығының фавориті деп атап, Рафинья мен Педридің 30 үміткер тізіміне кірмегенін «үлкен дау» деп бағалады.
Тағы оқыңыз
Дереккөздер: www.espn.com