KMI панелі: «Арсенал» — «Астон Вилла» матчында 11 метрлік тағайындалуы тиіс еді

Оқиға қосымша уақыттың сегізінші минутында болды — сол сәтте «Арсенал» 1:0 есебімен алда келе жатқан. Айып алаңына енген Гимарайнске Матсен қарсы әрекет жасады, бірақ төреші Джарред Гиллетт 11 метрлік айып добын тағайындамады. VAR көмекшісі Джеймс Белл де араласпады.

KMI панелі бұл эпизодты қарап шығып, 5:0 дауыспен 11 метрлік тағайындалуы тиіс еді деп шешті.

«Шабуылшының тірек аяғына нақты тиіп кеткен, ал Матсен допқа мүлдем тимеген», — делінген панель қорытындысында.

Сонымен қатар сарапшылар Матсеннің әрекетін өрескел деп бағалап, оған екінші сары карточка, демек қызыл карточка берілуі тиіс еді деген тұжырым жасады.

Еске сала кетейік, VAR жүйесінің қатесі бұрын да орын алған: 2025 жылдың қаңтарында «Вулверхэмптонға» қарсы матчта Майлз Льюис-Скеллиге берілген қызыл карточканы VAR болдырмай қалған еді.