Жаңалық 7 қыркүйек 2026
Кенжебек пен Самородов РПЛ-де «Рубинге» қарсы шығады
7 қыркүйекте қазақстандық құрама ойыншылары Ғалымжан Кенжебек пен Максим Самородов ойнайтын Грозный «Ахматы» Қазан қаласында «Рубинмен» РПЛ-дің 7-турында кездеседі. Матч Қазақстан уақытымен 21:30-да басталады.
Кенжебек «Ахматта» шабуылдаушы жартылай қорғаушы, ал Самородов шабуылшы позициясында ойнайды. Екі футболшы да Қазақстан құрамасының сапында.
6 турдан кейін «Рубин» 9 ұпай жинаса, «Ахматтың» 6 ұпайы бар. Соңғы турда қазандықтар махачкалалық «Динамоны» 3:1 есебімен жеңді, ал «Ахмат» «Балтикамен» 3:3 тең түсті.
Командалардың соңғы кездесуі 2025 жылдың 22 қарашасында Қазанда өтіп, «Рубин» 1:0 есебімен жеңіске жетті. Өткен маусымның бірінші айналымында да қазандықтар 2:0 есебімен басым түскен. Ал Ресей Кубогында «Ахмат» өз алаңында 2:0 жеңсе, Қазанда «Рубин» 3:3 тең ойыннан кейін 11 метрлік соққылар сериясында 4:3 есебімен үстем болған.
Тағы оқыңыз
Дереккөздер: www.sports.kz