Жаңалық 4 қыркүйек 2026
«Жетісу» легионерлеріне жалақы төлемей жүр — клуб турнир кестесінің соңында тұр
Фото: sports.kz
Талдықорғандық «Жетісу» клубында қаржылық қиындық туындады: легионерлер жалақысын шамамен екі айдан бері ала алмай жүр.
AmanVIBE дереккөзінің мәліметінше, клубтың футболшылар алдында жалақы бойынша қарызы бар. «Менің ақпаратым бойынша, клубта футболшылар алдында жалақы қарызы бар. Атап айтқанда, команданың легионерлері келісімшартта көзделген төлемдерді шамамен екі айдан бері ала алмай отыр», — делінген хабарламада.
«Жетісуға» Қайыр Нұрдәулетов бапкерлік етеді. Команда 24 турдан кейін турнир кестесінің соңғы жолында тұр және ҚПЛ-дан шығу қаупі бар клубтардың бірі саналады.
«Жетісу» кезекті матчын 2026 жылдың 5 қыркүйегінде өз алаңында «Ертіске» қарсы өткізеді. Кездесу Қазақстан уақытымен сағат 18:00-де басталады.
Тағы оқыңыз
Дереккөздер: www.sports.kz