ҚПЛ-нің 25-турына төрешілер тағайындалды: «Каспий» — «Қайрат» кездесуін Тасыбаев басқарады

5 қыркүйекте өтетін «Каспий» — «Қайрат» кездесуін бас төреші Айдын Тасыбаев басқарады, VAR кабинасында Саят Қарабаев отырады.

Сол күні «Оқжетпес» — «Ордабасы» матчында Александр Затула ысқырық тартады, оған Денис Измайлов VAR арқылы көмектеседі. «Жетісу» — «Ертіс» кездесуінде — Антон Кучма (VAR — Кирилл Ткачев), «Ақтөбе» — «Жеңіс» матчында — Сергей Ноженко (VAR — Сәкен Байымбет), «Қызылжар» — «Атырау» кездесуінде — Бағдат Абдуллаев (VAR — Рустам Омаров) төрелік етеді.

6 қыркүйекте өтетін «Алтай» — «Қайсар» матчын Георгий Чеховский басқарады, VAR кабинасында Нариман Та отырады.