«Ливерпуль» 65 млн фунт ұсынды, бірақ Сарр «Кристал Пэласта» қалды: агент африкалық ойыншыларды қорғап шықты

Дереккөздердің мәліметінше, «Ливерпуль» жазда Сарр үшін «Кристал Пэласқа» шамамен 50 миллион, кейін 65 миллион фунт стерлинг көлемінде екі ұсыныс жасаған. Алайда лондондық клуб форвардты сатуға келіспеген. «Ливерпульдің» Саррды алудан бас тартуы Коди Гакпоны ұстап қалу шешіміне байланысты болған.

Осыдан кейін Сарр «Кристал Пэластың» жаттығуларынан бас тартып, клубқа бұдан былай команда атынан ойнағысы келмейтінін жеткізген. Дегенмен футболшының клубпен келісімшарты 2029 жылға дейін жарамды.

Саррдың агенті Камара сол күні «Монаконың» шабуылшы жартылай қорғаушысы, өзінің тағы бір клиенті Ламин Камараның да «Челсиге» ауысу мәмілесі бұзылғанын атап өтті. Хабарланғандай, монакалық ойыншы 47 миллион фунтқа лондондық клубқа қосылуға жақындап қалған, бірақ «Монако» соңғы сәтте шешімін өзгерткен.

«Исмаила Сарр мен Ламин Камараның жағдайы бәрімізді ойландыруы керек», — деді Камара.

«Африкалық ойыншы өзін тауар секілді сезінетін логикадан арылуымыз керек: сатып аласың, бағасын қоясың, болашағын келіссөзге саласың, ал оның еркі көбіне екінші орынға ысырылады», — деп жазды агент.

«Біздің африкалық ойыншыларымыз құрметке лайық. Олардың еңбегіне, мансабына, талабына және дауысына құрмет көрсетілуі керек», — деді Камара сөзін жалғап: «Трансфер тек екі клуб пен сандар мәселесі болмауы тиіс. Әр келісімшарттың артында адам, мансап, арман мен өмірлік таңдау тұр».

Агент, сонымен қатар, футболшының өз болашағын айқындайтын шешімдер қабылданғанда оның пікірі тыңдалып, құрметтелуі тиіс екенін айтты.

Сарр «Кристал Пэлас» құрамында 2024 жылдан бері 92 матчта 33 гол соққан.