«Барселона» «Расинг Сантандердің» екі ойыншысынан құр алақан қалды

30 тамызда каталондық клуб 2006 жылы Сантандерде дүниеге келген 20 жастағы жартылай қорғаушы Вальесильоға қатысты ұсыныс жасады. «Барселона» ойыншы үшін шамамен 300 мың еуро төлеуге дайын екенін білдірген. Алайда «Расинг Сантандер» келіссөзге бармай, релиз тармағының толық көлемде төленуін талап етті.

Вальесильо «Расингтің» дубль командасы «Райо Кантабрияда» Эсекьель Лосаның қолында өсіп жетілді. Жазғы дайындық жиынында ол «Расингтің» негізгі құрамымен бірге жаттықты, ал команданың бас бапкері Хосе Альберто ойыншыны қолдап отыр. Вальесильоның қазіргі келісімшарты 2027 жылғы 30 маусымға дейін жарамды, клуб оны ұзартуды жоспарлап отыр.

«Барселона» Вальесильоны резервтегі «Барселона Атлетик» құрамын күшейту үшін алғысы келген. Дегенмен келіссөз сәтсіз аяқталғаннан кейін каталондықтар штутгарттық Мирза Чатовичті сатып алумен шектелді.

Бұл — осы жазда «Расинг Сантандермен» байланысты «Барселонаның» екінші сәтсіздігі. Клуб бұған дейін релиз тармағы 16 миллион еуро болатын сол командадан сол шеткі қорғаушы Хорхе Салинасқа да қызығушылық танытқан, бірақ каталондықтар бұл соманы төлеуге бармады.