Жаңалық 2 қыркүйек 2026
«Қайрат» пен «Женіс» кездесуінің жаңа күні белгілі болды
Фото: cdn.nur.kz
ҚФФ Қазақстан премьер-лигасының 21-турына жоспарланған «Қайрат» — «Женіс» кездесуінің жаңа күнін хабарлады: матч 9 қыркүйекте өтеді.
Кездесу Алматыдағы Орталық стадионда жергілікті уақыт бойынша сағат 19:00-де басталады. Бастапқыда бұл матч «Қайраттың» еурокубоктарға қатысуына байланысты кейінге қалдырылған болатын.
Жаңа кесте екі команда үшін де оңай болмайды. «Қайрат» төрт күн ішінде екі матч өткізеді: 9 қыркүйекте «Женіспен», ал 13 қыркүйекте 26-турдың кездесуінде Алматыда қостанайлық «Тобылмен» ойнайды.
«Женіс» те жоғары қарқынмен жұмыс істейді — команда үш күнде екі кездесу өткізеді: 9 қыркүйекте «Қайратпен», 12 қыркүйекте «Қызылжармен».
Тағы оқыңыз
Дереккөздер: amanvibe.kz