Жаңалық 30 тамыз 2026
Сәрсекбаев Ыстықкөлде Орзубек Назаровпен кездесті
Фото: sports.kz
Қазақстанның бокстан жастар құрамасының (U-19) бас бапкері, Пекин олимпиадасының чемпионы Бақыт Сәрсекбаев Ыстықкөл жағалауында бұрынғы әлем чемпионы Орзубек Назаровпен жүздесті.
«Мұнда кімді кездестіргенімді қараңызшы!» — деп жазды Сәрсекбаев.
Қазіргі таңда Қазақстанның жастар құрамасы Қырғызстанның ересектер құрамасымен бірге Ыстықкөлдегі базада бірлескен оқу-жаттығу жиынын өткізіп жатыр.
Орзубек Назаров — 1993–1998 жылдар аралығында WBA нұсқасы бойынша жеңіл салмақ дәрежесінде әлем чемпионы атанған боксшы. Ол чемпион атағын алты рет сәтті қорғады. Назаров, сондай-ақ, 1987 жылы Еуропа чемпионы, 1986 жылы Ізгі ниет ойындарының жеңімпазы және әлем чемпионатының қола жүлдегері атанған. Ол КСРО құрамасында өнер көрсеткен.
Профессионал рингте Назаров 26 жеңіске жетіп, оның 19-ын нокаутпен аяқтаған, бір ғана жеңілісі бар. Спорттан кейін ол Қырғызстан парламентінің депутаты болды және Бішкекте өз бокс мектебін ашты.
Тағы оқыңыз
Дереккөздер: www.sports.kz