Жаңалық 28 тамыз 2026
Сәтпаев бен «Бернли» «Норвичпен» шешуші айқасқа шығады
Фото: e01-xlk-ue-marca.uecdn.es
Ағылшын чемпионшипінің үшінші турында қазақстандық шабуылшы Дастан Сәтпаевтың «Бернлиі» «Норвичпен» кездеседі. Матч 29 тамызда, сенбіде, «Кэрроу Роуд» стадионында өтеді, тікелей эфир Қазақстан уақытымен 19:00-де басталады.
Екі команда да маусымды сәтсіз бастады. Екі турдан кейін «Бернлидің» активінде бар-жоғы бір ұпай болса, «Норвич» әлі бір де ұпай жинай алмады. Өткен турда «Норвич» «Миллуоллдан» қонақта 0:3 есебімен ұтылған, ал ағылшын лигасы кубогында «Кардиффті» жолда 2:1 жеңген еді.
«Бернли» де соңғы кездесуде «Вест Бромвичтен» 1:3 есебімен ұтылды. Лига кубогында «Брэдфордпен» негізгі уақытта 0:0 тең түсіп, пенальти сериясында 2:4 есебімен жеңіліп қалды.
Тағы оқыңыз
Сәтпаев «Бернли» құрамында Англия кубогында дебют жасады
18 жастағы қазақстандық шабуылшы Дастан Сәтпаев «Вест Бромвичпен» матчта екінші таймда алмастыруға шықса, «Брэдфордпен» кездесуде негізгі құрамда бастады. Алайда алғашқы екі матчта нәтижелі әрекет жасай алған жоқ.
Тағы оқыңыз
Дереккөздер: www.sports.kz