Сәтпаев «Бернлидің» негізгі құрамында тұңғыш рет ойнады

25 тамызда өткен матч негізгі уақытта 0:0 есебімен аяқталды, ал 11 метрлік доптар сериясында «Бернли» 2:4 есебімен ұтылып, турнирден шықты. Сәтпаев кездесуде 80 минут алаңда болды.

Sofascore порталы 18 жастағы қазақстандық футболшының ойынын 7,1 балл деп бағалап, бұл көрсеткішті команда құрамындағы үшінші үздік нәтиже деп таныды.

Chelsea Loan Army атты жанкүйерлер аккаунты Сәтпаевтың ойынына тоқталды. «Сәтпаевтың матчы жаман болған жоқ, бірақ доп алу кезінде оның тым кең әрі тереңге кетіп қалғанын қаламас едім. Ол комбинацияларда пайдалы, дегенмен қорғаушылардың артына шыққанда неғұрлым қауіпті болады. Екінші таймда ол көбіне алдыңғы үштікте доппен жиі жұмыс істеп, өз сапасын көрсетті. Ол — қақпа маңында болуы тиіс, гол мен нәтижелі пасқа жүйрік ойыншы», — делінген аккаунт жазбасында.

«Челсидің» құрамындағы Сәтпаев «Бернлиде» 2027 жылдың жазына дейін жалдау шартымен ойнайды.