Ромащенко: Бес ойыншысыз ойнасақ та, үйде үш гол соғу жаман емес
Қазақстан премьер-лигасының 21-турында өткен кездесуде «Тобол» қарсыласын 3:2 есебімен жеңіп, 28 ұпай жинады және турнир кестесінде жетінші орынға көтерілді. Матчта 11 метрлік айып добы да орындалды.
«Жігіттерді жеңіспен құттықтағым келеді. Бүгін өз ойынымызды таңуға тырыстық. Кейбір тұстарда бұл жақсы шықты, бірақ қиын болды, себебі қарсылас «автобус қойып», барлық ойыншысы дерлік доп сызығының артында тұрды. Дегенмен үйде үш гол соғу жаман емес деп есептеймін. Ал өткізіп алған екі голдың екеуі де стандартты жағдайдан кейін болды. Ұйымдастыруды сәл жақсарту керек», — деді Ромащенко.
Бапкердің айтуынша, командада бес негізгі ойыншы болмағандықтан, жаттықтырушылар құрамы жаңа құраммен ойнауға мәжбүр болды. Осы кездесуде Аманжол Бәкітжанов «Тобол» құрамында тұңғыш рет дебют жасаса, Рома Асранқұлов өз позициясында емес, басқа орында ойнады.
«Жігіттерге алғаш рет сондай құрамда шыққаны үшін рақмет айтамын. Баяу болса да алға жылжып келеміз. Қазір міндет — қалпымызға келу және сапарлы матчқа дайындалу», — деді Ромащенко.
