Жаңалық 26 тамыз 2026
«Астон Вилла» Уоткинстің орнына Кофанеге көз тікті
Фото: footballtoday.com
Олли Уоткинс «Әл-Хилалға» ауысқысы келетінін ашық мәлімдеген тұста, «Астон Вилла» «Байер Леверкузеннің» 20 жастағы шабуылшысы Флориан Кофанеге қызығушылық танытты. Бұл туралы шетелдік БАҚ хабарлады.
Кофане өткен маусымда «Леверкузен» құрамында барлық турнирде 44 матч өткізіп, 7 гол соғып, 9 голға пас берді. 2025 жылы неміс клубына ауысқан жас шабуылшы сол жылдың желтоқсанында Камерун құрамасына тұңғыш рет шақырылып, Африка кубогында ойнады. «Байер Леверкузен» ойыншыны сатуға құлықсыз.
30 жастағы Уоткинс үшін ұсынылған 45 миллион фунттық төртінші ұсынысты «Астон Вилла» қабылдамады. Сондай-ақ клубтың «Кристал Пэлас» шабуылшысы Жан-Филипп Матетаға жасаған ұсынысы қабылданбады. Бапкер Унаи Эмеридің басты нысанасы — Николас Джексон делінеді.
Тағы оқыңыз
Дереккөздер: sports.yahoo.com