«Ақтөбені» бұрын жаттықтырған Уткульбаев «Каттакурганнан» кетті

«Каттакурган» 15 тамызда қонақта «Шуртанға» 0:1 есебімен ұтылса, 21 тамызда өз алаңында «Газалкентке» 2:4 есебімен жеңілді.

16 турдан кейін команда 30 ұпай жинап, Өзбекстан Про-лигасында үшінші орында тұр. Уткульбаев бапкер қызметінде клубты 9 матчта басқарып, 5 жеңіс, 1 тең ойын және 3 жеңіліске қол жеткізді — 27 мүмкін ұпайдың 16-сын жинады. Сонымен қатар «Каттакурган» Өзбекстан кубогында «Пахтакорға» 0:3 есебімен ұтылған.

Уткульбаев «Каттакурганды» 2026 жылдың мамыр айының соңында Ёркин Назаровтың орнына келіп басқара бастаған еді. Маман бұған дейін қазақстандық «Ақтөбені», нижнекамдық «Нефтехимикті» жаттықтырған, ал 2022 жылдың күзінде Леонид Слуцкий кеткеннен кейін қазандық «Рубиннің» негізгі құрамын басқарған.

Еске сала кетейік, «Каттакурганның» келесі қарсыласы — 39 ұпаймен көш бастап тұрған нүкістік «Арал».