Жаңалық 21 тамыз 2026

Сәтпаев «Бернлидің» негізгі құрамымен жаттығуға шықты

Фото: kff_team

Қазақстан құрамасының шабуылшысы Дастан Сәтпаев ағылшындық «Бернли» клубының негізгі құрамымен алғашқы жаттығуын өткізді. Клуб бұл сәттің фотосуреттерін жариялады.

18 жастағы шабуылшы Чемпионшиптің бірінші турында «Вест Хэммен» өткен матчтың (2:2) құрамына енбеген еді. Мұның себебі — Сәтпаевтың Англияда жұмыс істеуіне қажетті құжаттарды рәсімдеу.

«Бернли» ойыншыны «Челсиден» 14 тамызда жалдау шартымен алғанын хабарлаған болатын. Келісім 2026/2027 маусымының соңына дейін жасалған.

Тағы оқыңыз

Олд Траффордта гонконгтық блогер Сәтпаевпен суретке түсті

Сәтпаев жазғы дайындық кезеңін «Челсимен» бірге өткізіп, «Уэстерн Сидней Уондерерспен» өткен жолдастық кездесуде гол соққан.

«Бернли» келесі матчын 23 тамызда Астана уақытымен сағат 16:00-де қонақта «Вест Бромвичке» қарсы өткізеді.