«Барселона» вице-президенті: Хулиан Альварес үшін ұсыныс жасадық

«Атлетико Мадрид» тарапы Альваресті сатуға дайын емес екенін білдірген.

«Біздің ойыншымыз емес футболшылар туралы айтқанды ұнатпаймын. Мигель Анхель Хиль мырза мен президент Серезомен жылдар бойы жақсы қарым-қатынастамыз, бұл — футболдың ажырамас бөлігі. Абыройды сақтап, парасатқа жол берген жөн», — деді Юсте.

Оның айтуынша, клуб қазір ұсыныс жасағанын растап қана қоймай, алдағы турнирлік міндетке де назар аударып отыр: «Ұсыныс жасадық, бар болғаны. Хансидің сөзіне толықтай құлақ асуымыз керек: жексенбіде матчымыз бар, оны ұтуымыз қажет. Испания чемпионатында 38 матч бар, әрқайсысы үш ұпайдан тұрады, сондықтан алғашқы жеңісімізге толықтай шоғырланып отырмыз».

Юсте техникалық топтың құрамын да атап өтті: «Декомыз, Боянымыз, сондай-ақ керемет жұмыс істеп жатқан Алехандро Эчеверрия бар. Трансфер терезесі әлі ашық, бірнеше күн қалды, әр жерде қажетті позицияда болу үшін күн сайын тынымсыз еңбектенудеміз», — деді ол.