УЕФА ынтымақтастық төлемдерін ұлғайтты: Қазақстан федерациясы да қаржы алады
Қазақстан футбол федерациясы УЕФА-ға 2002 жылдан бері мүше және аталған бағдарлама аясында қаржы алады. Қаражат ҚФФ арқылы клубтарға бөлінеді әрі жасөспірімдер академиялары мен инфрақұрылымды, жас футболшыларды даярлау орталықтарын дамытуға жұмсалуы мүмкін.
УЕФА баспасөз қызметінің хабарлауынша, ынтымақтастық төлемдері спорттық тепе-теңдікті қолдап, клубтарға жоғары ұйымдастыру стандарттарына жетуге көмектеседі.
«Ерлер арасындағы клубтық жарыстарымыздан түскен кірістің бір бөлігі осы турнирлерге қатысушылар ғана емес, бүкіл еуропалық футболдағы көптеген клуб пайда көретіндей етіп қайта бөлінеді. Ерлер арасындағы клубтық жарыстарымызға қатыспайтын жоғары лига клубтары, сондай-ақ талаптарға сай екінші лига клубтары өз ұлттық федерациясы арқылы қаржыландыру ала алады», — делінген УЕФА хабарламасында.
