Жаңалық 17 тамыз 2026
«Манчестер Юнайтед» 19 жастағы қорғаушысын 7 миллион фунтқа бағалады
Фото: sports.kz
«Манчестер Юнайтед» трансфер терезесі жабылғанға дейін клуб академиясының түлегі, 19 жастағы сол қанат қорғаушысы Гарри Амассты сатуға шешім қабылдады.
Клуб басшылығы футболшыны бонустарсыз шамамен 7 миллион фунтқа бағалап отыр. Амасс негізгі құрам сапында ойын тәжірибесін жинап үлгерген.
Ойыншыға өткен маусымда қарызға ойнаған норвичтік клуб қызығушылық танытып отыр. Дегенмен «Манчестер Юнайтед» жаңа қарыз келісіміне тек сатып алу міндеттемесі болған жағдайда ғана келіседі.
Өткен маусымда Амасс алдымен «Шеффилд Уэнсдейде» ойнап, қаңтарда «Норвичке» ауысты. Дегенмен жаңа клубқа қосылғаннан кейін көп ұзамай жамбас бұлшықетінен жарақат алды.
Тағы оқыңыз
Дереккөздер: www.sports.kz