«Ньюкасл» Гимараэшке алмастыру тапты: «Манчестер Ситиден» 52 миллион фунтқа жартылай қорғаушы алды
Мәміле 48 миллион фунт бастапқы төлем мен 4 миллион фунт қосымша шарттардан тұрады. Айта кетейік, «Манчестер Сити» бұл ойыншыны 2025 жылдың қаңтарында португалиялық «Порту» клубынан 49 миллион фунтқа сатып алған болатын.
«Ньюкасл» жартылай қорғау желісінде үлкен шығынға ұшырады: Гимараэш «Арсеналға» 75 миллион фунтқа ауысса, Сандро Тонали да команданың ортаңғы желісін тастап кетті. Осыған байланысты клуб бапкерлері 18 жастағы Шон Стюр мен 20 жастағы Аладжи Бамбаға «Ливерпульмен» 2:2 тең аяқталған матчта негізгі құрам сапында дебют жасатты.
«Ньюкасл» балама нұсқа ретінде мюнхендік «Бавария» ойыншысы, 31 жастағы Жоау Палинья мен «Марсель» футболшысы, сол жастағы Пьер-Эмиль Хойбьергке де қызығушылық танытқан. Клубтың жазғы трансферлік шығыны 200 миллион фунттан асып кетті.
«Манчестер Сити» болса жазда трансфертен 300 миллион фунтқа жуық табыс тапты. Соның ішінде Савиньоның лондондық «Тоттенхэмге» 85 миллион фунтқа ауысуы клуб тарихындағы ең қымбат сату болып тіркелді. Жаз бойы «Ситиден» Бернарду Силва, Родри және Тиджани Рейндерс кетіп қалса, орнына Эллиот Андерсон қосылды, ал Аюб Буадди де клубқа қосылу үстінде.
