Жаңалық 15 тамыз 2026
«Қайрат» — «Андерлехт» жұбына төрешілер тағайындалды
УЕФА Еуропа лигасының плей-офф кезеңінде өтетін «Қайрат» пен «Андерлехт» арасындағы екі матчқа қызмет ететін төрешілер алқасын жариялады.
Алматыда 20 тамызда өтетін бірінші кездесуді ағылшын төрешілер алқасы басқарады. Бас төреші — Крис Кавана, оған Дэниэл Кук пен Иан Хассин көмектеседі. Матчтың төртінші төрешісі — Роберт Джонс, ал видеотөреші қызметін Стюарт Эттуэлл атқарады, оның көмекшісі — Мэттью Донохью.
Жауап сапары 27-28 тамызға қараған түні Брюссельде өтеді. Бұл кездесуде норвегиялық төрешілер жұмыс істейді: бас төреші — Эспен Эскос, оған Ян-Эрик Энган мен Исаак Элиас Башевкин көмекші болады. Төртінші төреші — Сигурд Крингстад. Видеотөреші қызметін шотландиялық Эндрю Даллас атқарса, оның көмекшісі — тағы да Шотландиядан шыққан Кевин Клэнси.
Тағы оқыңыз
Дереккөздер: www.sports.kz