Жаңалық 13 тамыз 2026
Эрбес: «Партизан» келесі раундқа сабырмен өтеді
Фото: sports.kz
Қазақстан құрамасының бұрынғы ойыншысы Вячеслав Эрбес Sports.kz-ке берген пікірінде Еуропа конференциялар лигасының үшінші іріктеу кезеңіндегі «Тобол» мен «Партизан» арасындағы қарсы кездесуге болжам жасады.
Белградта өткен алғашқы матчта серб клубы қостанайлықтарды 3:0 есебімен ойсырата жеңген болатын.
«Белградтағы алғашқы матчтың ірі есебі ешкімді таңғалдырмады. «Партизан» шынымен де жақсы ойнады, ал «Тобол» әлі дағдарыстан шыға алмай тұр. Бұрын да айтқанымдай, серб клубы келесі раундқа сабырмен өтеді. Қазіргі таңда олар қостанайлықтардан жай ғана күшті», — деді Эрбес.
Жауап кездесуі 13 тамызда Қостанайда, Қазақстан уақытымен сағат 20:00-де өтеді. Осы жұптың жеңімпазы Еуропа конференциялар лигасының негізгі кезеңіне жолдама үшін испандық «Хетафемен» кездеседі.
Тағы оқыңыз
Дереккөздер: www.sports.kz