Жаңалық 9 тамыз 2026
«Челси» жанкүйерлері Делаптың орнына Сәтпаевты сұрап жатыр
«Челси» мен «Джохор» арасындағы жолдастық кездесуде Лиам Делап тайм соңында тамаша сәтті пайдаланбай қалды, бұл жанкүйерлерге қазақстандық шабуылшы Дастан Сәтпаевты еске түсірді.
Кездесудің 45+3-минутында Делап қақпашымен жекпе-жекте қалып, допты қақпаға жібере алмады. Осыдан кейін «Челси» жанкүйерлері әлеуметтік желідегі Х парақшасында шабуылшыны сынға алды.
«Сәтпаевты қайтарып, Делапты орындыққа отырғызу керек, өйткені бұл жігіттің жақсаратын түрі көрінбейді», — деп жазды бір жанкүйер.
Тағы оқыңыз
«Ноттингем Форест» Делап үшін клуб тарихындағы рекордтық сомаға келісті
Басқа пікірлерде де осындай реніш байқалды: «Сәтпаев мұндайды оңай соғар еді», «Сәтпаев допты қақпаға жіберер еді», «Делаптың орнына Сәтпаевты шығарыңдар».
«Делап жай ғана бәсекеге қабілетсіз», — деп қосты тағы бір жанкүйер.
Дастан Сәтпаев — «Челси» құрамындағы шабуылшы, ол қазақстандық футболдан ағылшын клубына ауысқан.
Тағы оқыңыз
Дереккөздер: www.sports.kz