ФИФА «Жетісуға» қойылған шектеуді алып тастады

Шектеу шамамен үш ай бойы күшінде болды. Осының салдарынан «Жетісу» жазғы трансфер терезесінде жаңа ойыншы тіркей алмады.

«Totalniy futbol KZ» басылымының бағалауынша, «Жетісудің» жағдайы — чемпионаттағы ең түсініксіз оқиғалардың бірі. «Қолда бар мәлімет бойынша, «Жетісудің» қаражаты көш бастап тұрған «Ордабасының» бюджетінен кем түспейді. Дегенмен клуб трансфер тыйымына тап болып, үш ай бойы футболшы тіркей алмады. Нәтижесінде «Жетісу» жазғы трансфер терезесінен құр қалды», — делінген басылым бағалауында.