BlueCo Xtra: Сәтпаевты «Страсбургке» жалға беру тамаша шешім болар еді

Инсайдерлік аккаунттың мәліметінше, ағылшындық «Халл Сити» Сәтпаевты «Челсиден» жалға алуға талпыныс жасаған. Сонымен қатар француздық «Страсбург» да ойыншыны жалға алу нұсқасы ретінде қаралып отыр.

«Дереккөзге сенімім жоқ, бірақ Дастан Сәтпаевты бүкіл маусымға «Страсбургке» жалға беру — тамаша шешім болар еді! Онда оған жеткілікті ойын уақыты кепілдендіріледі, әрі ол Еуропаның бес жетекші чемпионатының бірінің талаптарына жақсы бейімделеді деп сенемін», — деп жазды BlueCo Xtra.

Қазіргі таңда Сәтпаев Хаби Алонсо басқаратын «Челсидің» негізгі құрамымен жаттығып жүр, жазғы дайындық кезеңінде командамен бірге үш жолдастық кездесуге қатысып, бір гол соқты. 12 тамызда шабуылшы 18 жасқа толады.

Ал «Халл Сити» 2025/2026 маусымының қорытындысы бойынша тоғыз жылдан кейін ағылшындық Премьер-лигаға оралды.