Кьеза жаңа бапкермен «таза беттен» бастауға үміттенеді

Дайындық кездесуінде «Ливерпуль» Нэшвиллде өткен матчта «Сандерлендті» 4:2 есебімен жеңді. Бұл кездесу Ираоланың «Ливерпуль» бапкері ретіндегі алғашқы матчы болды. Ойынға ауыстырудан шыққан 28 жастағы италиялық Кьеза командасының үшінші голын соқты.

Оның айтуынша, жаңа бапкермен әзірге тек тактика мен прессинг тәсілдері туралы әңгімелескен.

«Жыл басында әрқашан таза беттен бастау болады. Мүмкін, мұндай жаңа бастаулар тым көп болды. Бірақ маған бәрібір, жаңа бапкер үшін қолымнан келгеннің бәрін жасап жатырмын. Өткен маусымда Арне Слот тұсында да солай еттім. Қазір мен «Ливерпульде» бақыттымын, клубты да, жанкүйерлерді де жақсы көремін. Мүмкіндік алу үшін бар күшімді саламын. Ал қалғанын көреміз. Қазір ойымда тек «Ливерпуль» ғана», — деді Кьеза.

Италиялық шабуылшы Арне Слот тұсында екі маусым ішінде Премьер-лигада бар-жоғы бір матчта негізгі құрамда бастаған еді.