Кьеза «Интерге» Луис Энрикенің орнына келуі мүмкін — Бергоми
«Интер» бұған дейін «Ливерпульден» Кёртис Джонсты 30 миллион фунтқа сатып алуды бекіткен. Сонымен қатар милан клубы Луис Энрикені шамамен 25 миллион еуроға «Ромаға» сатуды жоспарлап отыр.
Бергомидің айтуынша, дәл осы трансфер аяқталған жағдайда, Энрикенің орнына Кьезаны алу нұсқасы қарастырылады.
«Егер Луис Энрике «Романың» ұсынысын қабылдаса, оның орнына Кьеза келуі мүмкін. Мен таңдауды Кьезаға тоқтатар едім — бұл нұсқа орындалуы ықтимал сияқты», — деді Бергоми.
Еуро-2020 чемпионы Кьезаның «Ливерпульдегі» жағдайы соңғы кезде оңай болған жоқ: Арне Слоттың қол астында ол өткен маусымда Премьер-лигада небәрі екі матчта негізгі құрамда ойнады. Сонымен қатар футболшы «Ньюкасл Юнайтедке» қарсы маусым ашар матч алдында «Ливерпульдің» жаттығуына қатыспады.
