Сәтпаев «Челсидің» бас құрамымен маусым алдындағы жиынға қосылды

17 жастағы шабуылшы «Челсиге» осы жазда алматылық «Қайраттан» ауысқан. Трансфер сомасы 4 миллион еуроны құрағаны белгілі болды.

Сәтпаев Қазақстан құрамасы үшін 16 жасында дебют жасаған болатын. Кейін ол 17 жасында елдің тарихындағы ең жас голшыға айналды.

Лондон көшелерінде анасымен бірге жүрген сәттерін тұрғындар байқап қалды. Ал 3 миллион жазылушысы бар Rising Ballers аккаунты қазақстандық жас талантты атап өтті.

«Батыс Лондон клубына тағы бір нағыз үлкен талант келіп жатыр», — делінген жазбада.

Сәтпаевтың жиынға дәл қай күні қосылғаны әлі нақтыланбаған.