Молдова бапкері: Қазақстанға сапар өте ауыр болады

«Енді бізді Қазақстанға өте ауыр сапар күтіп тұр. Біздің тәжірибемізде бірінші рет он күнде төрт матч өткізетін болдық. Жүктемемен күресіп, ойыншыларды қалпына келтіріп, әр кездесуде жаңа құрам шығаруға тырысамыз. Барлығы түсінді — енді он бір футболшыдан тұратын негізгі құрам жоқ, 25 ойыншыдан тұратын команда, отбасы бар. Ерте ме, кеш пе, әркімге ойнауға мүмкіндік туады», — деді Попеску.

Молдова Ұлттар лигасының алдыңғы турында Словакиядан 0:2 есебімен ұтылды. Қазақстан құрамасы да сол турда Словакиядан 1:2 есебімен жеңілді, ал ашылу матчында Фарер аралдарымен 1:1 есебімен тең түсті.

Қазақстан мен Молдова кездесуі 2 қазанда сағат 19:00-де (Қазақстан уақыты бойынша) «Астана Арена» стадионында өтеді.