Вайсс: Қазақстанға қарсы шабуылда тиімдірек ойнауымыз керек

«Қазақстанмен ойынға қатысты бірдеңе ойлап табу керек, өйткені шабуылда тиімдірек әрекет етуіміз қажет», — деді Вайсс.

Бапкер бұған дейін алматылық «Қайрат» клубында жұмыс істеген. Оның айтуынша, топ осы топтамада жеңіске жетуге міндетті. «Бұл — біздің жеңгіміз келетін және жеңуге міндетті топ. Біз фаворитпіз, бірақ мұны алаңда дәлелдеуіміз керек», — атап өтті ол.

Словакия құрамасы Ұлттар лигасының бірінші турында Молдованы жеңіп, топта жалғыз көш бастап тұр. Ал Қазақстан құрамасы Фарер аралдары құрамасымен тең түсті.

Словакияның шабуылшы жартылай қорғаушысы Ондрей Дуда алдағы матчтардың жеңіл болмайтынын мойындады. «Бұл матчтар бүгінгідей болады, сондықтан жеңілдік күтпейміз. Осымен күресуге тура келеді», — деді ол. Дуда сонымен қатар: «Біз әрбір жанкүйерге қуанамыз. Топ өзіміз таңдамаған, оңай емес топ, ал біздің міндетіміз — осы қарсыластардан өту», — деп қосты.

Еске сала кетейік, 2022 жылы Қазақстан құрамасы Словакиядан екі мәрте есе қайтарған: Трнавада 1:0, ал Астанада 2:1 есебімен жеңіске жеткен. Сол турдан кейін Қазақстан Ұлттар лигасының 2022 жылғы тобында бірінші орын алды.