«Манчестер Сити» 115 айыптаудың 114-інен жеңіліс тапты — ақпарат сыртқа шықты
«Манчестер Сити» УЕФА және Премьер-лигамен 12 жылдан бері құқықтық дауда келеді. Клубқа қаржылық ережелерді бұзғаны үшін жалпы 115 айып тағылған.
2014 жылы «Сити» УЕФА-ның қаржылық әділ ойын ережелерін бұзғаны үшін 49 миллион фунт айыппұл төледі. 2020 жылы клубқа еуропалық турнирлерге екі жылға тыйым салынып, 30 миллион еуро айыппұл салынған, бірақ бұл шешімді Халықаралық спорт арбитраж соты күшін жойды. Сол сотта клуб демеушілік түсімі ретінде жасырын қаржыландыру жүргізгені туралы айыптан да ақталды.
Енді Премьер-лигамен жүріп жатқан жаңа іс бойынша тәуелсіз төрелік алқа шешім қабылдады. Жұма күні сыртқа шыққан мәліметтерде «Манчестер Сити» 115 айыптаудың 114-і бойынша кінәлі деп танылғаны хабарланады.
Клуб басшысы Халдун әл-Мубарак апелляция процесінің әлі алда екенін атап өтті.
«Премьер-лигадағы процесс әлі жүріп жатыр, клубтың кінәсіз екенін дәлелдеуге деген сенімім мен ынтам осы іс басталған кездегідей мықты», — деді әл-Мубарак.
2014 жылы ол УЕФА-ға қарсы 10 жыл бойы сотта күресуге дайын екенін, әлемдегі ең үздік 50 адвокатқа 30 миллион фунт жұмсайтынын мәлімдеген еді.
