Ирландия Израильді 3:0 жеңді: командалар қол алыспады, әнұран кезінде бас иді
Ирландия құрамасының голдарын Трой Пэрротт, Адам Айда және Джек Мойлан соқты. Команданы бас бапкер Хеймир Хатльгримссон дайындады.
Матч алдында екі команданың ойыншылары бір-бірімен қол алыспады. Ирландия капитаны Дара О'Ши мен Израиль капитаны Манор Соломон да қол алысудан бас тартты. Сонымен қатар Израиль құрамасының әнұраны ойналған кезде ирландиялық футболшылар бастарын иіп тұрды.
Ирландия ойыншылары матчта қара таспа тағып ойнады. Қақпашы Гэвин Базуну — осы кездесуде ойнамауды таңдаған құрамдағы жалғыз футболшы. Алайда команда сенбі күні өткен дауыс беруде матчты өткізуді қолдаған еді.
Ирландия футбол қауымдастығының (FAI) атқарушы директоры Дэвид Курель қара таспа тағу себебін түсіндірді.
«Бұл — Израиль мен Газа қақтығысында қаза тапқан барлық жандарды еске алу белгісі», — деді Курель.
