«Барселона» 510 миллион еуро бөлді: «Камп Ноу» 105 мың орындыққа дейін ұлғаяды

Клуб қазынашысы Ферран Оливенің айтуынша, «Барселона» ағымдағы маусымды бас стадионында аяқтап, келесі маусымда «Эстади Олимпик Льюис Компанис» (Монжуик) стадионына көшеді.

«Барселона» биылғы маусымды бас стадионда аяқтап, келесі маусымды Монжуиктегі «Эстади Олимпик Льюис Компанис» стадионында өткізеді», — деді Оливе.

Жалпы реконструкция құны шамамен 1 миллиард еуроны құрайды. Клуб уақытша алаңға көшу операциясын ұйымдастыруға 24 миллион еуро, ал екі маусым бойы уақытша стадионда ойнаудың операциялық шығындарына тағы 17 миллион еуро жұмсаған.

Қазіргі таңда «Камп Ноудың» сыйымдылығы шамамен 62 мың орынды құрайды. Реконструкциядан кейін бұл көрсеткіш 95 мың орынға дейін өседі, ал 2028/29 маусымына қарай сыйымдылықты 105 мың орынға жеткізу жоспарланып отыр.

«Барселона» 2027/28 маусымы басталар алдында негізгі стадионынан тағы да уақытша кетуге мәжбүр болады — дәл осы кезеңде стадионға шатыр орнату жұмыстары жүргізіледі. Клубтың «Камп Ноуға» толық оралуы 2028 жылдың қаңтарына жоспарланған.

2029 жылғы УЕФА Чемпиондар лигасының финалы жаңарған «Камп Ноуда» өтпек. Бұл стадион бұған дейін 1989 және 1999 жылдары Чемпиондар лигасының финалын қабылдаған болатын.